नेकपा माओवादी केन्द्रका अध्यक्ष पुष्पकमल दाहाल प्रचण्डले शनिबार भारतीय विदेशमन्त्री एस जयशंकर संग भेट गर्नु भएको छ । शुक्रबार भारत भ्रमणमा गएका उहाले शनिबार नै भारतीय सुरक्षा सल्लाहकार अजित डोभल लगायत संग भेटवार्ता गर्दैछन् ।
भारतीय जनता पार्टीका अध्यक्ष जगत प्रकाश नाड्डाको निमन्त्रणामा भारत भ्रमणमा गएका उहाले शनिबार विहान भारतमै प्रधानमन्त्री शेरबहादुर देउवा पत्नी आरजु देउवा संग भेट गरेका थिए ।
प्रचण्डले शनिबार भाजपाका अध्यक्ष जगतप्रकाश नड्डा संग पनि भेटवार्ता गर्ने र आइतबार भारतीय प्रधानमन्त्री नरेन्द्र मोदी संग भेट गरेर प्रचण्ड स्वदेश फर्किने कार्यतालिका रहेको उहाको सचिवालयले जनाएको छ ।
शनिबार नयँ दिल्ली स्थित नेपाली राजदूतावासको कार्यालयमा न्यूज एजेन्सी नेपालका संवाददाता संग कुरा गर्दै प्रचण्डले आफ्नो भ्रमण तीन महिना पहिले नै तय भइसकेकोले आकस्मिक नभएको बताउनु भएको छ ।
आफ्नो भारत भ्रमण सद्भावना भ्रमण रहेको उल्लेख गर्दै नेपाल–भारत बीचका सम्बन्धका विविध पक्षमा नेताहरु संग चर्चा गरेर सकारात्मक वातावरण बनाउनमा आफ्नो प्रयास हुने प्रचण्डले बताउनु भएको छ ।
