महेन्द्रनगर |कञ्चनपुरमा शनिबार राति मोटरसाइकल दुर्घटना हुँदा दुई जना घाइते भएका छन्। जिल्ला प्रहरी कार्यालयका अनुसार भीमदत्तनगरपालिका–४ गोबरैयामा म २ प ६७३७ नम्बरको मोटरसाइकल अनियन्त्रित भएर दुर्घटना भएको हो। दुर्घटनामा भीमदत्तनगरपालिका–४ गोबरैयाका १९ वर्षीय आशिष चन्द र सोही ठाउँका १८ वर्षीय पवन चन्द घाइते भएका छन्। तीमध्ये मोटरसाइकलचालक आशिषको अवस्था गम्भिर रहेको प्रहरीले जनाएको छ। दुुर्घटनापछि अचेत अवस्थामा उद्धार गरिएका उनको टाउकोमा चोटछ।
मोटरसाइकलमा सवार अर्का घाइते पवनको अवस्थामा मध्यम छ। उनको पनि टाउको र अनुहारमा चोट लागेको प्रहरीले जनाएकोछ।
महाकाली प्रादेशिक अस्पतालमा उपचार सम्भव नभएपछि दुवै घाइतेलाई राति नै धनगढी रेफर गरिएको थियो।
जिल्ला प्रहरी कार्यालय कञ्चनपुरका डीएसपी उमेश जोशीका अनुसार अहिले उनीहरुको धनगढीस्थित माया मेट्रोमा उपचारभइरहेको छ।
महेन्द्रनगर बजार–मझगाउँ सडकखण्डमा गुँडिरहेको मोटरसाइकल शनिबार राति १० बजेतिर अनियन्त्रित भएर सडक छेउकै नालीमाबजारिएको थियो।