महेन्द्रनगर | कञ्चनपुर मा जुवातास खेली रहेको अवस्था मा १६ जना पक्राउ परेका छन । कञ्चनपुरको भीमदत्त र बेदकोट नगरबाटसोमबार राति जुवा खेलिरहेको अवस्थामा १६ जना पक्राउ परेका हुन्।
जिल्ला प्रहरी कार्यालयका अनुसार राति २ बजे भीमदत्तनगरपालिका–१० सुकासालमा सोही ठाउँका ४२ वर्षीय करन चन्दसहित ६ जना जुवाडे पक्राउ परेका छन्।
चन्दको किरानामा पसलमाजुवातास खेलिरहेका अवस्थामा उनीहरुलाई समातिएको जिल्ला प्रहरी कार्यालयले जनाएको छ। जिल्ला प्रहरी कार्यालयबाटखटिएको टोलीले जाँच गर्दा उनीहरुको साथबाट ४२ हजार ७ सय ७० रुपैयाँ नगद र १० गड्डी तास पनि बरामद गरेको छ।
सोमबार राति नै बेदकोट नगरपालिकाबाट पनि १० जुवाडे पक्राउ परेका छन्।
बेदकोट नगरपालिका–५ धरमपुरस्थित राजेन्द्र बोहराको घरबाट जुवातास खेलिरहेको अवस्थामा सोही ठाउँका ४४ वर्षीय जय बहादुरबोहरा सहित १० जनालाई प्रहरीले नियन्त्रणमा लिएको छ।
जिल्ला प्रहरी कार्यालय कञ्चनपुरबाट खटिएको प्रहरी टोलीले जाँच गर्दा उनीहरुको साथबाट २३ हजार एक सय ५ रुपैयाँ नगद र र१० गड्डी तास बरामद गरिएको छ।