महेन्द्रनग। जिल्ला प्रहरी कार्यालय बाजुरामा पुस्तकालय भवन निर्माण गरिएको छ । कार्यालय परिषरमा प्रहरीहरुकै श्रमदानबाट पुस्तकालय भवन निर्माण गरिएको हो ।
जिल्लामा स्थानीयहरुको पढाईप्रतिको आर्कषण बढाउने उद्देश्यले ‘बसिबियालो’ नामक पुस्तकालय निर्माण गरिएको जिल्ला प्रहरी कार्यालय बाजुराका प्रमुख प्रहरी नायब उपरिक्षक दिलीप कुमार गिरीले जानकारी दिए । उनले पुस्तकालयले जिल्लाबासीमा पढ्ने बानीको विकास गर्न सहयोग पु¥याउने अपेक्षा रहेको बताए ।
सो पुस्तकालयमा जिल्लाका नागरिकले दैनिक रूपमा आएर अध्ययन गर्न सक्ने गरी विभिन्न क्षेत्रसँग सम्बन्धीत पुस्तकहरू राख्ने व्यवस्था गरिएको बताईएको छ । प्रहरी नायब उपरिक्षक गिरीले पुस्तकालय भवन निर्माणको लागि आफूले व्यक्तिगत ४ लाख रुपैया सहयोग गरेको बताए ।
त्यसमा अन्य प्रहरी निरीक्षकहरू तथा जवानहरूको श्रमदानबाट करिब एक करोडभन्दा बढी पुस्तकालय निर्माणका लागि लगानी लागेको उनको भनाई छ । पुस्तकालयमा प्रख्यात पुस्तकहरू साथै चिया, कफी र मनोरञ्जनका लागि टेलिभिजन लगायतका सुविधाहरू पनि राखिने योजना रहेको उनले सुनाए ।
पुस्तकालय भवन निर्माणपछि पुस्तकहरूको व्यवस्थापन गरेर सबै नागरिकलाई सहज रूपमा पुस्तक पढ्ने वातावरण सृजना गरिने बताईएको छ ।
Comments are closed.