महेन्द्रनगर । प्रधानमन्त्री कप एकदिवसीय पुरुष क्रिकेट प्रतियोगितामा सुदूरपश्चिम प्रदेशका किरण ठगुन्ना दुई शतक प्रहार गर्ने पहिलो खेलाडी बनेका छन् ।
लमहीस्थित देउखुरी अन्तर्राष्ट्रिय क्रिकेट रंगशालामा आज कोशी प्रदेशविरुद्ध शतक बनाउँदै एउटै प्रतियोगितामा दुई शतक बनाउने पहिलो खेलाडी बनेका हुन् ।
कोशीविरुद्ध टस जितेर पहिले ब्याटिङ रोजेको सुदूरपश्चिमका लागि छैटौं नम्बरमा ब्याटिङ गर्न आएका किरणले ९१ बलमा ४ छक्का र १२ चौकाको मद्दतमा ११५ रन बनाए ।
किरण शतकपछि ठूला सट प्रहार गर्ने क्रममा फिर्दोश अन्सारीको बलमा लङअफमा प्रकाश कार्कीको हातबाट क्याच आउट हुन पुगे ।
फागुन २५ बाट जारी प्रतियोगितामा किरणले यसअघि पनि देउखुरी अन्तर्राष्ट्रिय क्रिकेट रंगशालामा गण्डकी प्रदेशविरुद्ध अविजित १२१ बनाउँदै पहिले शतक बनाउने खेलाडी बनेका थिए ।
२०२४ मा आयरल्यान्डविरुद्ध टी(२० प्रतियोगितामा डेब्यु गरेका किरणले आफ्नो ब्याटिङमा निखार ल्याउँदै राष्ट्रिय टिममा बलियो दाबेदारी देखाइरहेका छन् ।
Comments are closed.