डडेल्धुराको अमरगढी नगरपालिका वडा नम्बर ५ रानी धारा नजिक टिप्पर दुर्घटना हुदा एक जनाको ज्यान गएको छ भने एक जना घाइते भएका छन् । शनिवार दिउसो साढे ३ बजेको समयमा डडेल्धुराको तुफान डाडादेखि बागबजार जाने क्रममा अमरगढी नगरपालिका वडा नम्बर ५ रानी धारा नजिक सु प प्र ००१ क १८७९ नम्बरको टिप्पर दुर्घटना हुदा एक जनाको ज्यान गएको र एक जना घाइते भएका जिल्ला प्रहरी कार्यालय डडेल्धुराका सुचना अधिकारी प्रहरी निरीक्षक राजेन्द्र बहादुर चन्दले शुक्लाफाँटा एफ्.एमलाई जानकारी दिनु भयो ।
उहाका अनुसार टिप्पर दुर्घटनामा परेर ज्यान गुमाउनेमा टिप्पर चालक डडेल्धुराको अजयमेरु गउपालिका वडा नम्बर ४ बस्ने २१ वर्षीय दिपक ऐर रहेका छन् । दुर्घटनामा परि घाइते भएका चालक ऐरको उपचारका क्रममा ज्यान गएको हो । त्यस्तै घाइते हुनेमा सोही टिप्परमा सवार दाङ बस्ने १७ वर्षका असीम चौधरी रहनु भएको छ । घाइते चौधरीको डडेल्धुरा जिल्ला अस्पतालमा उपचार भइ रहेको जिल्ला प्रहरी कार्यालय डडेल्धुराका सुचना अधिकारी प्रहरी निरीक्षक राजेन्द्र बहादुर चन्दले बताउनु भयो । टिप्पर दुर्घटना हुनुको कारण भने खुल्न बाकी रहेको र दुर्घटनाबारे थप अनुसन्धान भइ रहेको जिल्ला प्रहरी कार्यालय डडेल्धुराले जनाएको छ ।