महेन्द्रनगर । शुक्लाफाँटा सामुदायिक पुस्तकालयमा पुस्तक हस्तान्तरण गरिएको छ । शनिवार प्रगतिशिल लेखक संघ नेपालका अध्यक्ष सहितको टोलीले पुस्तकहरु हस्तान्तरण गरेका हुन् । आफनो ७३औ स्थापना दिवसको उपलक्ष्यमा शुक्लाफाँटा सामुदायिक पुस्तकालयका अध्यक्ष मोहन कुमार ओझालाई पुस्तक हस्तान्तरण गरिएको हो ।
पुस्तकालयमा आएर आफनो स्थापना दिवसको दिनमा पुस्तक हस्तान्तरण गर्नु भएकोमा अध्यक्ष ओझाले संघलाई धन्यवाद व्यक्त गर्नु भयो । साथै आगामी दिनमा पनि चाहिने साथ र सहयोग का लागी शुक्लाफाँटा सामुदायिक पुस्तकालय सदैव सहयोगी मन र भावनाले साथमा रहेको बताउनु भयो ।
प्रगतिशिल लेखक संघ नेपालका प्रदेश अध्यक्ष रमेश पन्त मितबन्धुका अनुसार शनिवार वेदकोट सामुदायिक पुस्तकालय दैजी, कैलाली जन पुस्तकालय धनगढी र शुक्लाफाँटा सामुदायिक पुस्तकालयमा पुस्तक हस्तान्तरण गरिएको बताउनु भयो ।
विषेश गरे केन्द्रिय कार्यालयबाट प्रकाशन हुने प्रलेस, प्रदेश कार्यालयबाट प्रकाशन हुने ह्याँक, र जिल्लाको प्रकाशन अरुणोदय कितावहरु विभिन्न श्रष्टाहरुका विभिन्न विधाका आख्यान्न, गित, कविता ईतिहास, पत्रपत्रिका र सामग्रीहरु हस्तान्तरण गरिएको प्रदेश अध्यक्ष मितबन्धुले बताउनु भयो ।
शुक्रवार पनि संघले विभिन्न ठाँउहरुमा प्रदेश उपाध्यक्ष जगदिश ओझाको संयोजकमा पुस्तकहरु हस्तान्तरण गरिएका थिए । सुदूरपश्चिम विश्व विद्यालयको केन्द्रिय क्याम्पसको पुस्तकालयमा कुम्भ बहादुर चन्द क्याम्पस प्रमुखलाई पुस्तक हस्तान्तरण गरिएको थियो ।
यसैगरी, भम्केनी धाममा रहेको महाकाली शारदा विद्यापिठ,बेलौरी नगरपालिकाको दशरथ पुस्तकालयमा पनि पुस्तकहरु हस्तान्तरण गरिएको थियो ।