तीन दिने भारत भ्रमणमा रहेका माओवादी केन्द्रका अध्यक्ष पुष्पकमल दाहाल प्रचण्डको भारतीय प्रधानमन्त्री नरेन्द्र मोदी संग भेट नहुने भएको छ ।
सत्तारुढ दल भारतीय जनता पार्टीका अध्यक्ष जेपी नड्डाको निमन्त्रणामा गत शुक्रबार दिल्ली पुगेका अध्यक्ष प्रचण्डले त्रिभुवन विमानस्थलमा सञ्चारकर्मीलाई प्रतिक्रिया दिने क्रममा प्रधानमन्त्री मोदी संग समेत भेट गर्ने बताएका थिए ।
तर, भ्रमणको अन्तिम दिन आइतबार प्रचण्डले अध्यक्ष नड्डा संग भारतीय जनता पार्टी मुख्यालयमा पुगेर भेट गरे पनि प्रधानमन्त्री मोदी संग भेट नहुने उनको सचिवालयले जनाएको छ ।
‘जसले निम्तो दिनु भएको थियो त्यो नै अन्तिम भेट थियो,’ प्रचण्डको सचिवालय भन्यो, ‘यस पटकको भारत भ्रमण उपलब्धि मुलक भएको छ ।’
प्रचण्ड आइतबार सँझ नेपाल फर्किने कार्यक्रम रहेको छ ।