महेन्द्रनगर भलिबल खेलाडी कविता भट्टले पिपल्स च्वाइस अवार्ड जितेकी छन । क्रिकेटका गुल्सन झा, कबड्डीकी मानमति विष्ट, फुटबलकी प्रीति राई र रग्बीका श्रीराम श्रेष्ठलाई उछिन्दै उनले यो अवार्ड जितेकी हुन ।
नेपाल खेलकुद पत्रकार मञ्चको पल्सर स्पोर्टस् अवार्ड अन्तरगत पिपल्स च्वाइसको विजेता खेल पत्रकार, राष्ट्रिय प्रशिक्षक, समर्थक र ई–सेवाको भोटिङका आधारमा चयन गरिएको थियो ।
डडेल्धुराको गन्यापधुरा गाउँपालिका–१ भात्काँडा घर भएकी कबिताले ५६ प्रतिशत मत पाइन । कबड्डीकी मानमति दोस्रो, फुटबलकी प्रिति तेस्रो स्थानमा रहे । उनले १६ प्रतिशत मत पाएकी थिइन ।
क्रिकेटका गुल्सन र रग्बीका श्रीरामले समान ४ दशमलब ४ प्रतिशत मत पाएका थिए । अवार्डसँगै कविताले मोटरसाइकल पाएकी छन ।